Nakuha gyud sa Butuan City Division ang ika-9 niining kampionato sa bag-o lang natapos nga Caraga Athletic Association Regional Sports Competition nga gipahigayon didto na sa Surigao City.
Basi sa Final ug Official Result, pabiling over-all champion ang Butuan City Division nga adunay 113 gold, 70 silver ug 68 bronze medal.
Nagsugod sa Butuan ang Surigao del Division, nga adunay 86 gold, 70 silver ug 81 bronze medal, ikatulo sa medal standing ang Agusan del Norte Division, ika-4 ang Agusan del Sur, ika-5 ang Tandag City, ika-6 ang Bayugan City, ika-7 Bislig City, ika-8 Dinagat Islands, ika-9 Siargao island, ika-10 Surigao del Norte, ika-11 Cabadbaran City Division ug ang ika-12 mao ang host ang Surigao City Division nga aduna lamang 13 ka gold medal, 34 ka silver ug 48 nga bronze medal.
Pamahayag ni Michael Martin, Sports Coordinator sa Butuan City Division nga posible mokabat kapin kun kulang dos cientos ka mga atleta sa Butuan ang mahimong delegado unya sa Palarong Pambansa 2019 nga ipahigayon didto sa Davao sa buwan sa Abril.
[image: regional meet.jpg]
