BACOLOD CITY – Narecover ang 4 ka sachet sang suspected shabu halin sa isa ka suspect sa ginpatigayon nga drug buy bust operation sini gid lamang nga kaagahon sa isa ka pension house sa Brgy. 12.
Nakilala ang suspek nga si Rudolph Jan Raluto, 31 anyos ang edad, single kag pumuluyo sang Purok La Salle Brgy. Mansilingan.
Ang buybust ginpatigayon sang Police Station 1 sa pagpanguna sang hepe sini nga si PCI Marc Joel Reclamado may mga alas 2 sini gid lamang nga kaagahon sa Luisa Pension House sa Brgy. 12.
Nakuha sa possession ni Raluto ang 3 ka medium size kag isa ka small plastic heat sealed sang suspected shabu lakip na ang drug paraphernalia kag 3 ka panid sang ₱100 pesos nga marked money.
Sa karon ang suspek detained na sa custodial facility sang Police Station 1./dyHB BACOLOD
