BUY BUST OPERATION | Duha ka magkasunod nga buy bust operation, ginhiwat sang Police Precinct 1, apat tanan ka subjects, arestado.

Apat ka mga subject ang arestado sa duha ka separado nga buy bust operation nga ginhiwat sang Police Precinct number 1 subong nga adlaw.
Una nga buy bust operation ginhiwat sa JM Basa St., City Proper batuk sa mga subject nga sanday Jonalyn Dela Paz, 30 anyos sang Barangay Rizal Estanzuela, City Proper kag Hector Tolones, 38 anyos sang Barangay Tagbac, Jaro.
Gindakop ang duha matapos gindaho sang mga ini ang isa ka sachet sang suspected shabu sa police poseur buyer nga nagpakuno-kuno nga mabakal sang druga sa balor nga 600 pesos.
Samtang, masunod nga buy bust operation, ginhiwat naman sa Barangay General Hughes, City proper mga alas 5:30 sang hapon batuk sa mga subject nga sanday Sahiena Cabahug, 34 anyos sang amo man nga lugar kag Michelle Apostol, 38 anyos sang West Habog-habog, Molo.
Arestado ang duha matapos mabaklan sang isa ka sachet sang suspected shabu sa balor nga 600 pesos.
Yara na karon nahunong sa karsel ang mga suspek kag magapangatubang sang kaso nga paglapas sa R.A. 9165.

Facebook Comments