Byahe sa YBL matag adlaw nga Dominggo temporaryong suspendido

22

General South Cotabato—Gikumpirma ni Boy Par, Operation Manager sa Yellow bus Line Incorporated, nga wala silay byahe matag adlaw nga Domingo sa ilang mga Rota sa rehiyon-12.

Ang maong implementasyon magsugod karong petsa 23 ning bulana.


Matud niini, kini subay na usab sa executive order nga gipagula sa Sultan kudarat kung asa nagpatuman sila ug no movement matag adlaw nga domingo human adunay natalang nagpositibo sa covid-19 sa ilang lugar partikular na sa lungsod sa Isulan.

Dugang pagbutyag ni Boy Par nga ang dili pag byahe sa ilang unit matag adlaw nga domingo sugod karong petsa 23, lakang matud pa nga ilang gihimo aron nga makatabang usab sa mga LGU sa ilang kampanya batok covid-19.

Sa maong pamaagi matud pa malimitahan ang nagasulod sa matag lugar sa Rehiyon.

Samtang giklaro usab ni Boy Par nga wala usay problema sa ilang byahe sa matag adlaw nga lunes hangtod sa Sabado apan iyang giangkon nga ilang gipaubsan ang ilang unit nga nagabyahe sa ilang rehiyon.




Gipaniguro usab ni Boy par nga tanang protocol nga ginapatuman sa gobyerno ilang ginatuman, hilabina matud pa sa mga pasaherong mosakay sa ilang mga unit.

Wala silay ginatugutang pasahero nga mosakay sa ilang bus nga walay facemask, Faceshield, wala nakapanghugas ug kamot.

Samtang kinahanglan usab nga icheck una ang temperatura sa pasahero ayha kini mosakay sa bus.

Facebook Comments