Byahedor og shabu gikan Cotabato, arestado

Davao City – Arestado sa joint operation sa Philippine Drug Enforcement Agency, Provincial Drug Enforcement Unit sa Davao del Sur ug City Drug Enforcement Unit sa Digos City Police Office ang duha ka mga gisuspetsahang drug courier nga taga North Cotabato.

Gisikop sa mga otoridad ang mga suspek nga sila si Ibrahim Ampuan ug Nobresa Ampuan, pulos hamtung ang pangidaron mga nagpuyo sa Purok Malinawon, Makilala, North Cotabato.

Ang duha nadakpan pinaagi sa buybust operation atubangan sa Dominican Hospital sa Quezon Avenue, Brgy. Zone 11 Digos City alas dose pasado sa kaudtuhon.


Nakuha gikan sa duruha ang mga illegal nga droga diin adunay street value nga kinse mil ka pesos.

Nasayran nga byahedor og illegal nga droga ang mag live-in partner kansang mag atubang ug kasong kalapasan sa RA 9165 kon Comprehensive Dangerous Drugs Act of 2002.

RadyoMaN Erin Lumosbog

Facebook Comments