Davao City – Patay ang usa ka 65 anyos nga babayeng byuda human naligsan sa usa ka truck alas 11:20 kaganinang buntag sa Km.10,Sasa, syudad sa Davao.
Base sa report ang truck gimaneho ni Gomersendo Torreon, 59 anyos taga Poblacion 2, Cotabato City nahitabo ang vehicular accident samtang ang biktima mao si Pacita Montana, nakapuyo sa Immaculada, Sasa, Davao City.
Sa imbestigasyon sa kapolisan sa pagpanguna ni Police Staff Sergeant Cloudette Luis, imbestigador sa Sasa PNP, sumala pa ang maong truck nagdagan sa Davao Agusan National Highway gikan South padulong North apan pag abot sa nasangpit nga lugar niliko ang truck patuo diin naigo ang biktima ug naligsan samtang nitabok sa pedestrian lane resulta sa hinanaling kamatayon niini.
Ang drayber nga si Torreon detinado na karon sa Sasa Police Station ug mag atubang og kasong reckless imprudence resulting to homicide.
RadyoMan Don Pulayao
