Dako ang pag-tuo ni Police Chief Inspector Efraim Detuya, hepe sa police station 5 sa Ampayon Butuan City, nga rebelding NPA ang mipusil patay sa usa ka CAFGU.
Angay masayran nga dead on arrival sa Maternity Hospital ang biktima kinsa gipusil sa tulo ka mga armadong lalaki alas otso kagabii didto sa Sitio Iyao, Brgy. Anticala, Butuan City.
Giila ang biktima ni Chief Inspector Detuya ang biktima nga si Saturnino Lapenyagan Lumacang, 59 anyos, residente sa lugar.
Nasayran nga samtang nagtan-aw ug TV ang biktima sulod sa iyang panimalay kagabii ang gisulod kini sa tulo ka mga lalaki ug gipusil dayon sibat ang mga suspek sa wala matinong direksyon.
Mokabat sa siyam ka mga samad pinusilan ang naangkon sa biktima nga miresulta sa iyang kamatayon. Dugang pa sa opisyal, sa wala pa nahimong cafgu si Lumacang kanhi kining miembro sa New Peoples Army.
