CAFGU namusil arestado

Davao City – Sikop ang usa ka Cafgu human kini namusil sa usa ka sibilyan sa may Barangay Kalbay, Jose Abad Santos, Davao Occidental alas 7:50 sa gabie niadtong adlawng Martes.

Sumala sa report Police Regional Office XI, nagpatabang ang 47 anyos nga biktima nga si Robert Mier sa mga awtoridad human kini pabuthi og armas sa usa ka CAFGU nga si Armando Pulian, 61 anyos.

Miresponde ang kapulisan sa Jose Abad Santos Municipal Police Station ug giaresto ang suspetsado.


Nakuha sa mga operatiba ang .45 nga pusil magazine nga adunay unod nga 3 ka bala, usa ka shotgun ug mga bala sa posisyon sa dinakpan.

RadyoMaN Aimee Guinita

Facebook Comments