Cagayan de Oro 2nd District Representative Rodriguez, wala makabotar pabor nga himuong usa ka libo ang budget sa CHR

18

*Wala matud pa makabotar pabor nga usa ka libo na lamang ang budget sa Commission on Human Rights o C-H-R.*

*Kini tungod kay wala makabyahe paingon sa Batasan si Cagayan de Oro 2nd District Representative Maxi Rodriguez.*

*Matud ni Rodriguez nga grabe kakusog ang ulan ug lain ang lakat sa panahon, gani adunay advisory niadtong higayona nga walay trabaho ang mga buhatan sa gobyerno.*

*Apan gumikan sa gipatawag nga emergency session, hinungdang napugos sa pagtunga ang ubang kongresista ug ubang sakop sa ahensya sa gobyerno sa pagtambong apan wala gayod makatambong si Congressman Rodriguez human wala makabyahe.*

*Busa hugtanon niyang gipanghimakak ang report nga usa siya sa mibotar pabor nga usa ka libo lamang ang budget sa C-H-R.*

*Samatang wala matud pa nasayod si Congressman Rodriguez kung unsay gitan-aw nga isyu kon nganong gihimo na lamang nga usa ka libo ang budget sa CHR. *

*Gani sa iyang nasayran, nga mokabat sa kapin 600 milyon pesos ang budget sa maong ahensya apan kini nga pundo ang alang lamang gani niadtong miaging tuig.*

*Gibutyag usab niini nga dili mahimong ma-abolish ang maong ahensya tungod kay usa kini ka constitutional body. *

*By: Ellah Baculio*

Facebook Comments