Nakasinate sa intensity IV nga linog ang syudad sa Cagayan de Oro ug ubang parte sa Misamis Oriental alas 9:22 kagabie.
Nasayran nga ang sentro sa linog naa sa 8 Km Northwest sa Kadingilan, Bukidnon kung asa nakasinate kini sa Magnitude 5.9, Tectonic in Origin ug dunay kalawom nga lima ka kilometro.
Matud ni Phivolcs Region 10 Director Marcial Labininay nga nabati usab ang intensity 5 sa Kadingilan, Damulog, Kalilangan sa Bukidnon.
Sa Kadingilan, Bukidnon naabtan pa sa dxCC-RMN News Teams ang mga residente nga natulog gawas sa ilang mga balay.
Matud ni Kadingilan Municipal Disaster Risk Reduction and Management Department nga dunay mga nakitang mga liki sa mga building, usa ang samaran, duha ang na trauma ug usa ang nakuyapan tungod sa linog.
Gisuspenso na usab ang klase sa tanang lebel sa Kadingilan, Bukidnon.
