Call center agent nakuhaan og P300K-worth shabu

Davao City – Arestado sa kapulisan ang usa ka call center agent human nakuhaan og shabu nga motimbang og 27 ka gramos nga mukantidad sa kapin P300,000 atol sa gikasang buy-bust operation natigayon sa usa ka inn nahimtang sa Mt. Mayon St., Brgy. 7-A, siyudad sa Davao.

Base sa report gikan sa Sta. Ana PNP, ang dinakpan giila nga si Giovani Cris Alpas, alyas Van-Van, 42 anyos, nagpuyo sa Gulfview ning dakbayan.

Malampusong napalitan sa kapolisan og usa ka pakete sa gituohang shabu ang suspek kambiyo ang P1,000 buy-bust money.


Narekober usab sa kapolisan ang laing dul-an napulo ka sachet sa gituohang shabu ug illegal drug paraphernalia.

Gikonsidera sa kapolisan ang suspek nga usa ka street level target nga nagapaligya og shabu sa maong barangay.

Ang dinakpan balhog na Sta. Ana PNP ug mag-atubang og kasong kalapasan sa Akta Republika 9165 Comprehensive Dangerous Drugs Act of 2002.

RadyoMaN Don Pulayao

Facebook Comments