Davao City – Niabot na sa siyudad sa Davao ang tulo ka patay’ng lawas sa call center agents sa IBEX gikan sa Camiguin Island.
Gihaya na sa Cosmopolitan Memorial Chapel sa Cabaguio ning siyudad sila Jovert de Asis, 30 anyos, ug Ian Jumahali, 30 anyos, samtang si Julie Ann Mae Olive gihaya na usab sa ilang pinuy-anan sa may Bangkal ning dakbayan.
Sa interview sa RMN Davao ngadto sa kabanay sa membro sa pamilyang De Asis nga giabagan na ang tanan galastuhon sa kompanya sa maong van ug ila na usab nadawat ang maong panghitabo.
Matud pa sa mga pamilya nga wala pay petsa o adlaw sa pagpalubong sa tulo ka mga biktima.
Kahinumdoman nga nadisgrasya human nawad-an og brake ang van nga ilang gisakyan nga maoy hinungdan sa kamatayon sa tulo ka mga call center agents ug gikaangol sa laing napulo ka pasahero.
RadyoMaN Don Pulayao
