Davao City – Candle Lighting Prayer Rally sa mga Duterte supporters gihimo sa ikaduhang adlaw kagahapon adlawa March 12, 2025 sa Rizal Park, San Pedro Street, Davao City, agi og suporta kang Former President Rodrigo Duterte, human gi-aresto sa mga awtoridad sa NAIA-3 gikan sa Hongkong.
Sa report gikan sa Davao City Police Office (DCPO), kapin 200 estimated crowd nga gipartisiparan sa mga Barangay Official, gikan sa una ug ikaduhang distrito ning syudad sa Davao ug mga membro sa Hakbang Maisug, Hastag VP Sara ug Hugpong Pederal Party.
Nahinabi usab sa DXDC News Team si Brgy.Captain Jessielito Areja sa Barangay Malabog, Paquibato District, usa sa nanguna sa maong prayer rally, mao ang pagsuporta sa dili makatarunganon nga pag-aresto sa kanhi presidente.
Gipasabot sa opisyal, magpadayon ang prayer rally hangtod sa adlaw natawhan ni Tatay Digong sa Marso 28, 2025.
Subay sa gihimong assessment ug monitoring sa DCPO, walay mga untoward incident ug nagpabiling hapsay og malinawon ang maong aktibidad.
RadyoMaN Don Pulayao
Facebook Comments
