Roxas City, Capiz – Nagpasalamat ang pamunoan sang Capiz State University- Roxas City Main Campus matapos nga madala ang amo nga unibersidad sa tatlo ka mga nominado sa 19th Gawad Kalasag award.
Suno kay CAPSU Roxas campus administrator Dr. Wennie Legario nga isa ini ka oportunidad kag dungog para sa ila buluthoan nga madala sa top three para sa nasyonal nga lebel sang paindis-indis.
Ang CAPSU ang nagtiglawas para sa Search for Excellence in Disaster Risk Reduction Management and Humanitarian Assistance, Higher Education Institution Category.
Ginpatigayon ang national validation sining karon lang sang mga tiglawas gikan sa mga nasyonal nga pamunuan sang Office of the Civil Defense, Commission on Higher Education kag Philippine Information Agency.
Sa ginpatigayon nga validation, nagtambong man si OCD Regional Director Rosario Cabrera, Police Provincial Director Samuel Nacion, Provincial Disaster Risk Reduction and Management Officer Esperedion Pelaez kag iban pa nga mga tiglawas gikan sa nagkalin-lain nga ahensya nasyonal, lokal kag non-government organization.
(Jemin B. Guillermo/PIA-Capiz)
