Cardiac Arrest rason sa pagkamatay nan German National base sa resulta sa Autopsy

Cardiac Arrest rason sa pagkamatay nan German National base sa resulta sa Autopsy Sa taghimo na Autopsy ni Dr. Bamady Laguerta an Medico Legal Officer nan Caraga Region ngadto sa patayng lawas ni Dirk Heinz Bell, 53 anyos ug taga-St. Wendell, Saarland, Germany. Kon kahinumduman adton Oktubre 10 sa kaadlawon sa dihang nodunggo sa Surigao Port an tagsakyan niini na barko sa Cokaliong gikan sa Cebu City kaiban an 17 anyos na uyab, naglain an lawas sa German National hangtud na nagkumbulsiyon ug namatay. Sa autopsy report ni Dr. Laguerta ngadto sa City PNP mitumaw na cardiac arrest an nahitabo kan Bell, ini base sa kasing-kasing niini na midako, gikan sa normal na 300 cm, nahimo na 600 cm, midako nan doble. Gani an mga ugat sa kasing-kasing an nogahi na ug morag lastiko. Sa pagkakuman, padajon an taghimo na koordinasyon nan PNP ngadto sa German Embassy sa kaso ni Bell.

Facebook Comments