Career Service Examination para sa Aklan, nakataeana sa Agosto 4

Kalibo, Aklan – Kapin sa 3,948 ka mga examinees rong nakataeana nga magabuoe it Career Service Examination it Civil Service Commission (CSC) (Pen and Paper Test) sa maabot nga Agosto 4, 2019 Dominggo nga adlaw.
Suno kay Mam Evelyn Ejar it CSC-Aklan nga kadungan sa schedule it Aklan rong Bacolod City ag Iloilo City.
Iya sa Aklan bangud nga nagtaas it 500 ro numero it mga magabuoe it exam kumpara ko nagtaliwan nga dag-on hay maga gamit rong CSC-Aklan it bali 6 ka mga schools nga pagahiwatan it examination.
Raya hay ro mga masunod; Kalibo Pilot Elementary School, Kalibo Elementary School, KISEC, Andagao Elementary School, Aklan National High School for Arts and Trade ag New Buswang Elementary School.
Dugang pa ni Mrs. Ejar nga rong mga examinees hay bukon eamang it mga taga Aklan kundi may mga naghalin pa sa Antique, Capiz, Iloilo, Romblon ag Mindoro.
Gin remind man ni Mrs. Ejar do mga examinees nga sa Sabado it agahon hay maga posting sanda it mga pangaean sa kada mga rooms hay pwede eon nanda dayon ma check para nga pagka aga sa oras it examination hay indi eon sanda magtaeang ag mag inusoy it pangaean.

Facebook Comments