Caretaker it fishpond, nakitang patay

KALIBO, AKLAN — Uwa eon it kabuhi tag makit-an rong sangka caretaker it fishpond sa Brgy. Alibagon, Makato, Aklan.
Ro biktima nakilaea kay Eufrosino Nallas y Nemis alyas “Jun”, 62-anyos ag native it Brgy. Cabangahan, Madalag, Aklan pero temporaryo eon nga naga istar sa Brgy. Alibagon.
Suno kay PO2 James Padasas it Makato PNP nga kahapon it hapon hay nag adto sa andang istasyon si Edrick Tesorero ag nagpangayo it police assistance matapos nga madiskubrehan na nga uwa eon it kabuhi ro biktima sa sueod it payag.
Insigida nga nagresponde rong Makato PNP sa lugar ag nakita nanda nga nagahamyangon ro biktima nga una eon sa advance state of decomposition.
Ginpangayuan man it ayuda sa SOCO-Aklan para sa dugang nga pag imbestiga ag naga guwa nga mga 2 to 3 days eon nga patay rong biktima ag sa inisyal nanda nga assessment hay inatake pero para nga masayuran pa gin kon may foul play gin request it SOCO ro pamilya it biktima nga kon pwede ipa idaeom sa post mortem examination rong bangkay.
TAGS DYKR RMNKALIBO MAKATO NALLAS PADASAS ALIBAGON CABANGAHAN

Facebook Comments