Caretaker sa Fishpond gipusil

24

Nakaangkon ug samad ang biktima human kini gipusil didto sa Brgy. Calais,Olutanga, Zamboanga Sibugay.

Naila ang biktima nga si Rogelio Gulpan Mission, 55 anyos, menyo, residente sa Purok 5, brgy. Calais, lungsod sa Olutanga.

Sa inisyal nga imbistigasyon sa kapulisan, nasayran ang biktima usa ka caretaker sa fishpond nga gipanag-iyahan ni Baleng Balensuna. Matod pa samtang nagsubay ang biktima sa maong isdaan, kalit lang mibutho ang suspetsado nga mao si Abang Tolorio, hingkod ang pangidaron molupyo sa susamang dapit.

Armado sa wala matino nga armas de fuego, ug sa walay daghang pangutana ang mipusil sa usa ka higayon, samaran ang biktima sa iyang dughan ug nakapangayo pa kini ug tabang sa mga tawo nga anaa sa iyang pa libot.

Samtang ang suspek miikyas sa wala masayring direksyon, gani matod pa ang duha aduna na kini panagbangi.

Ang kapulisan karon sa Olutanga padayon ang ilang gihimong operasyon aron sa posibleng pagkasikop sa suspetsado. Hinungdan sa maong pagpamusil personal nga panagbangi.

Facebook Comments