CARHRIHL, hugot matud pang gitamod sa 4TH ID

Malaybalay City, Bukidnon – Dugay na matud pang gitun-an sa Armadong Kusog sa Pilipinas ang pag-address sa posibleng collateral damage sa ilang paggukod batok sa New Peoples Army kon NPA.

Sa interview sa RMN Malaybalay ngadto kang MGen. Ronald Villanueva, ang commander sa 4th Infantry Diamond Division, gibutyag niini nga numero uno matud pa nila kining gitutukan ilabina ang pagrespito sa tawhanong katungod ug international humanitarian law.

Gani daw adunay gipirmahan nga Comprehensive Agreement on Respect for Human Rights and International Humanitarian Law CARHRIHL aron masunod ang lagda sa gubat.


Matud ni General Villanueva nga ang problema lang mao nga ang AFP nga maoy lehitimong armadong kusog ang nisunod sa mao nga lagda ug wala kini gisunod sa walhong pundok.

Gisiguro usab sa commander nga nagpabilin ang ka-disiplinado sa mga kasundaluhan ug adunay hingtundang sanction usab sa mga sundalo nga makasala.

Facebook Comments