Cashless payment sa taxi giduso

Davao City – Gilaraw karon isip kabahin sa new normal ang cashless o contactless payment diha sa mga taxi.

Gibutyag ni Land Transportation Franchising and Regulatory Board (LTFRB-XI) Regional Director Atty. Armand Dioso sa interbyu sa DXDC RMN Davao, nagpadayon ang koordinasyon sa mga taxi companies ug mga cashless payment providers aron matuman kini.

Gisulti ni Dioso nga ang cashless payment usa sa mga pamaagi aron malikayan ang pagkatag sa COVID-19 sa mga pampublikong sakyanan.


“Ginawork-out na na siya, in fact ang mga associations diri sa mga taxi operators nakig-meeting na didto sa central office ug katong mga PMS ug kining cashless nga mga providers on how to work-out this cashless transaction sa taxi,” segun ni Dioso.

Sa Memorandum Circular No. 2020-018 sa LTFRB, gimanduan ang tanang taxi units and transport network vehicle service (TNVS) nga himuong cashless ang pagkolekta’g pamasahe o pinaagi sa online payment diin positibo si Dioso nga maimplentar kini alang sa kaluwasan sa publiko.

RadyoMaN Aimee Guinita

Facebook Comments