Casual employee sang munisipyo sang Sigma, patay matapos nga nakuryente!

21

Sigma, Capiz – Patay ang 69-anyos nga casual utility employee sang munisipyo sang Sigma matapos ini ang nakuryente kaupod ang duha pa ka kaupdanan samtang naga-obra sa municipal hall, pasado alas 11 sang aga.
Ginkilala ang napatay kay Domingo Roce Bacalangco, 69-anyos sang Poblacion Sur Sigma, Capiz. Gintinguhaan pa ini nga dal-on sa Senator Gerardo Roxas District Hospital sa banwa sang Dao apang ini ang gindeklarar nga dead-on-arrival.
Samtang, nakuryente man kag nag-angkon sang minor nga paso sa kalawasan ang kaupdanan sini nga ginkilala kanday Jolan Telesforo Delco, 50-anyos sang Poblacion Sur Sigma, Capiz kag Oliver Vargas Orera, 43-anyos sang Barangay Capuyhan, Sigma, Capiz.
Ang mga ini ang gintugutan na nga makaguha sa ospital.
Nagaguha sa inisyal nga imbestigasyon sang kapulisan sa Sigma nga ginsakwat sang mga biktima ang canopy/tent sang aksidente nga natandug ang live wire nga nagakonektar sa junction box sang munisipyo.
Nahibaluan nga basa ang porsyon sang lugar kun sa diin nakuryente ang mga biktima.

Facebook Comments