CBOC: Aberya sa transmission nasitian tungod sa technical issues

Davao City- Daghan sa mga electoral boards ang niapelar na sa City Board of Canvassers (CBOC) aron i-manual ang pag-transmit sa mga election returns.

Sumala ni Atty. Sittie Shahane Balt, Davao City 1st District Election Officer ug City Board of Canvasser (CBOC) Chairperson nga nakasinati’g mga technical issues hinungdan sa pagkadelatar sa transmission tungod usab sa poor signal sa ilahang mga lugar.

Sumala ni Balt, walay kakulangon diha sa pagbansay sa COMELEC sa mga Electoral Boards kinsa nipailawom og series of trainings.

Natapos pasado alas 9 sa buntag adlawng Miyerkules ang pagsumite sa mga election returns sa 182 ka nga barangays nga gilangkuban sa 1,411 ka mga clustered precincts sa Davao City.

Sa 992,538 ka mga registered voters sa Davao City, 737, 371 ang aktwal nga nibotar nga mga Dabawenyos ug 74.29% ang voter’s turn out.

Gipanguluhan sa City Board of Canvassers ang proklamasyon sa mga elected local officials sa dakbayan sa Davao kagahapong adlawa, May 11, 2022 sa Session Hall sa Sangguniang Panlungsod.

RadyoMaN Aimee Guinita

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments