CCTV camera sambilog sa mga requirements it LGU Kalibo sa mga business establishment

13

Ni Jay-ar M. Arante, RMN-DYKR Kalibo
Ro pagbutang it mga CCTV camera sa mga business establishment hay magiging sambilog sa mga requirements ko pagbuoe it permit sa LGU Kalibo.
Raya hay kung maaprobahan eon do ordinansa para sa hugot nga paggamit it CCTV camera nga ging tukod it Sangguniang Bayan it Kalibo.
Dikara gina hinyo ro tanan nga commercial establishment sa Kalibo nga kinahangean nga magbutang it CCTV camera sa andang area.
Kaangot dikara nagdesisyon do SB Kalibo nga ubrahon lang nga requirements sa pagbuoe it permit do pagbutang it mga CCTV sa mga establisyemento.
Daya nga plano hay bangod sa mga natabo nga mga kaso it pickpocketing ag shoplifting sa banwa it Kalibo ag para makabulig man sa ano nga klase it emergency.
Nasayuran nga maabong mga establisyemento makaron sa nasambit nga banwa nga uwa it CCTV camera ag kung may una man hay malabo o samad ngani hay gusto it LGU nga magabutang tanan kara ag dapat hay malinaw ag manami do kalidad.

Facebook Comments