CDC member nagapangayo paathag sa na tengga nga New Govt. Center kag unused savings sang syudad sang Victorias

22

Duha ka petisyon ang gin-file sang miembro sang City Development Council (CDC) sang ciudad sang Victorias sa ila nga Sanggunaing Panlungsod nga nagapangayo sang paathag sa milyones pesos nga loan sini sa bangko para sa pagpatukod sang ila government center kag subong man ang plano nga pag-withdraw sang unused savings nga P100 million.


Tuig 2016 sang nag-apply sang loan ang Victorias City sa Development Bank of the Philippines (DBP) nga balor P487 million sa diin ang P137 million ang ibakal sang duta nga patindugan sang ila bag-o nga government center. Samtang P350 million ang plano nga igasto sa pagtukod sang government center. Aprubado na ang loan sang 2016 apang tubtob subong wala pa nasuguran ang construction sang government center.

Sa interview sang DYHB kay Ronaldo Germino, ginpahayag sini nga nagfile siya sang petisyon sa SP agud maayo mapaathag kun anu ang natabo sa loan sang ciudad lakip na ang plano man nga pagwithdraw sang P100 million nga time deposit sa bangko sa tion pa ni former Mayor Severo Palanca nga ginpain kuntani para magamit sa tion sang pandemiya.

Suno kay Germino, miembro sang CDC nga nagarepresentar sang transport sector, nagsulat si Mayor Wantan Palanca sa SP nga nagapangayo sang appropriaton ordinance para sa gin-utang sa DBP apang suno sa iya, posible ma-blind ang city council bangud gindala man diri ang P100 million nga unused savings.

Samtang, gin-alegar man ni Germino nga overpriced ang ginbakal sang ciudad nga 21-25 hectares nga agricultural land sa balor nga P6.5 million per hectare, nga amo kuntani ang patindugan sang government center. Suno kay Gemino, santo sa iya ihibalo, nagadangat lang sa P1.2 tubtob P1.8 million ang kada hectare sang agricultural land. Magluwas diri, gin-alegar man ni Germino nga 21 hectares lang sang duta ang nakapangalan sa ciudad samtang ang apat ang nakapangalan sa isa ka pribado nga kompaniya.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments