CdeO 2nd District Congressman Rodriguez, supak sa sugyot nga Anti-Violence Against Partner and their Childrens Act

55

Dakong supak si 2nd District Congressman Rufus Rodriguez sa sugyot ni Rizal Congressman Fidel Nograles, nga Anti Violence Against Partner and their Childrens Act kung silotan ang mga asawa nga maoy mokapot  sa ATM sa ilang mga bana.

 

Matud ni Congressman Rodriguez, nga kini nga sugyot dili na importante sa pagkakaron tungod kay alang kaniya, sakto lang nga ang asawa maoy mokapot sa pundo sa pamilya.


 

Dugang pa ni Congressman Rodriguez nga kultura na sa mga pinoy ang pag-intriga sa sweldo ngadto sa mga asawa, tungod kay kini ang kabalo kung unsay pamayran sa pamilya.

 

Kini ang hinungdan nga kinahanglan ang bana mo-intriga sa ilang sweldo sa ilang mga asawa ug walay tago-tago.

 

Samtang, daghang tentasyon kung magtago-tago sa sweldo ang usa ka bana o dili pag-intriga sa sweldo ngadto sa asawa.

 

Matud ni Congressman Rodriguez nga dili matawag nga economic abuse ang maong sitwasyun tungod kay alang sa pamilya ang tumong niini.

 

Dugang pa ni Congressman Rodriguez nga walay gender equality sa Pilipinas tungod kay ang mga asawa mao gayud ang modominar.




Facebook Comments