Cdeo, nakasinate og total blackout kagabie

44

Total blackout ang nahitabo kagabie ning syudad sa Cagayan de Oro.

 

Kini ang gibutyag ni Maam Marilyn Chavez ang Spokesperson sa Cagayan Electric Power and Light Co. Inc. kon CEPALCO.


 

Matud ni Chavez nga nawala ang entire cubic area sa Cepalco, sugod pasado alas sais kagabei.

 

Dugang pa ni Chavez nga ang nakatrigger sa pagkapalong sa kuryente, mao ang fault nga nahimutang sa Villanueva, Misamis Oriental.

 

Tungod niini, daling gisuplayan sa Cepalco ang tanan nilang area gamit ang ubang source.

 

Samtang gikompirma ni Chavez nga dugay nga napasiga og balik ang kuryente kagabei sa area sa Gusa, Cugman ug Baloy ning syudad.

 

Kini tungod kay gisulayan pa og switch back ang sub station niini tungod kay dili gasulod ang suplay sa kuryente.

 

Tungod niini, gipapatrolyahan isa -isa ang mga poste aron makita ang deperensiya ug nasuta nga ang problema anaa sa simbahan sa San Vicente Ferrer sa Barangay Cugman tungod kay nag-fail ang iyang suspended insulator ug kinahanglan nga ilisan.

 

Tungod niini dali nga giilisan sa Cepalco ang suspended insulator ug nabalik ang kuryente pasado alas dose kagabei.

Facebook Comments

From Advertisers