CdeO, nangandam na sa epekto sa hulaw

Nangandam na ang syudad sa Cagayan de Oro alang sa epekto sa hulaw.

 

Kini pinaagi sa gihimong tigom sa komite sa public utilities sa pagpangulo sa Chairman nga si Konsehal Bong Lao.

 

Matud ni Engr. Elezar Linaac, Assistant Manager sa Cagayan de Oro Water District nga mahimo nilang suplayan ang syudad sa tubig taliwala sa nasinating krisis ug andam na ang ilang emergency action plan.


 

Gibutyag ni Engr. Leon Magamil, Head Officer sa Cagayan de Oro Electric Power and Light Company nga igo pa ang supply sa  kuryente ug dili masinati ang pagkapalong sa sugang dagitab ning syudad.

 

Matud ni Mike Fabello, Acting Chief sa City Social Welfare and Development nga andam na ang ilang Disaster Team sa panahon nga gikinahanglan samtang dunay 24 ka barangay sa syudad  ang gitimbok nga maapektohan sa Dry  Spell bunga sa El Niño Phenomenon.

 

Nagpahigayon na usab og evaluation ang opisina sa City Agriculture Office ni Dr. Hector San Juan ilabina sa hinterland barangay.

 

Nasayran nga andam usab sa tanang higayon ang City Disaster Risk  Reduction Management Department sa tawag sa pagpanginahanglan.

Facebook Comments