General Santos City—pakyas ang buhatan sa City Drug Enforcement Unit (CDEU)-Gensan nga makig-alayon sa pamunuan sa Gensan Reformatory Center alang sa pagsuta unsa ka tinuod nga padayon sa paghitak ang iligal nga droga sulod sa maong prisohan.
Sumala pa ni Police Sr. Inspector Fernando Manuel ang labaw sa CDEU nga wala pa sila nakasugod sa ilang imbistigahan kalabutan sa impormasyong ilang nadawat gikan sa mag-inahan nga una na nilang nasikop nga didto gikan sa Gensan City Repormatory Center ang droga nga ilang ginabaligya.
Samtang desmayado usab kini nga bisan paman ug wala pay nahimong koordinasyon ang CDEU ngadto sa pamunuan sa city jail gi-hingusgan na ni Jail Warden Jesus Singson nga wala nay droga sulod sa maong presohan.
Sumala ni PSI Manuel nga tungod dunay migawas nga impormasyon unta naghimo gilayon ugkaugalingong imbistigasyon ang BJMP aron ma-validate ang report.
Kahinumduman nga una nang gibutyag ni Warden Singson nga hugot ang ilang ginahimong inspection sa tanang m ga dalaw aron nga dili makalusot ang droga sa city jail. (Dave Silagan)
