CDRRMC plano irekumendar ang pagdeklarar sang state of calamity sa syudad

SYUDAD sang Iloilo – Plano i-rekumendar sang City Disaster Risk and Reduction Management Council kay Mayor Jose Espinosa III ang pagdeklarar sang state of calamity sa syudad bangud sang krisis sa tubig.

Suno kay Donna Magno, Head sang CDRRMO, magasapol ang council subong nga adlaw agud maghimo sang rekumendasyon kay mayor Espinosa.

Ginpahayag ni Magno nga gikan sa 28 ka barangays nagsaka sa 34 ka barangays ang naga-antos sang kakulang sang tubig.


Paathag ni Magno naghimo sila sang maid-id nga pagtuom agud mapat-od nga nalambot sang syudad ang requirements antes makadeklarar sang state of calamity.

Nahibaluan nga dapat indi magnubo sa 20% sang populasyon sang isa ka lugar ang apektado sang krisis antes makadeklarar sang state of calamity ang isa ka lugar.

Kinahanglan man ini nga aprubahan sang city council agud maggasto ang disaster risk and reduction management fund.// via Joel Franco reports

Photo from web

Facebook Comments