CDRRMD, nangulo sa ‘series of workshop’ sa pagpatuman sa seguridad sa Cagayan de Oro

PC: CIO

Tungod sa mas gipahugtang seguridad ning syudad, mipa-ubos sa series of workshop ang kapolisan, kasundalohan ug mga pili’ng departamento sa City Hall.

 

Kini alang sa mas malangkubong pagpangandam batok kriminalidad ug proteksiyon sa katawhan sa Cagayan de Oro.

 

Nangulo sa series of workshop mao si Retired Col. Mario Verner Monsanto, overseer sa City Disaster Risk Reduction and Management Department.


 

Gituki niini ang kabahin sa posibleng scenario sa pagpangandam ug pagtubag sa tanang matang sa emerhensiya sa tinguha nga dunay saktong kooperasyon ug kalambigitan ang komunidad ug otoridad.

 

Subay niini, gisiguro sa kagamhanang lokal ubos sa administrasyon ni Mayor Oscar Moreno nga malikay ang dakbayan sa kagubot nga kasamtangang nasinati sa ubang bahin sa Mindanao.

 

Mahinumdoman nga gipaubos sa heightened alert ang tibuok pulo sa Mindanao tungod sa mga kagubot nga nasinati sa Isulan, Sultan Kudarat.

Facebook Comments