CDRRMO: Construction sa mga proyekto batok baha sa La Verna ug uban pang flood prone areas nagpadayon

34

Davao City- Nagpadayon ang konstruksyon sa mga proyekto dinhi sa dakbayan sa Davao sa paghatag og kasolbaran sa ginaproblemang pagbaha inig mubunok na ang kusog nga ulan.

Gibutyag ni City Disaster Risk and Reduction and Management Office chief Alfredo Baloran sa eksklusibong interview sa DXDC RMN Davao nga adunay mga proyektong gina-construct ang Department of Public Works and Highways (DPWH) Region XI silbing mitigating measures ilabina sa taas kaayo nga tubig baha nga masinatian sa National Highway sa may La Verna Subdivision sa may Barangay Cabantian ug mga kabalayang maapektuhan sa pag-overflow sa mga creek ug kasapaan sa syudad.

“Kanang diha sa La Verna adunay on going project ang DPWH hopefully kung mahuman ang projects nga on going construction sa mga tributaries sa maong lugar ma-solve na ang problema sa pagbaha-baha. Kining pag-overflow sa atong mga suba adunay mga on going projects, engineering mitigations nga ginahimo ang DPWH naga-construct sila’g mga gabions gilid aning mga dagkong mga suba o riverbanks especially katong mga directly affected… sa pagkakaron dili pa kaayo nato ma-feel ang impact sa ilahang mga projects tungod wala pa niy nahuman,” sumala ni Baloran.


Gimanduan ni Baloran ang tanang mga Barangays ug ilahang mga responders nga mangandam ilabina kung adunay mga abisong weather disturbances.

Nahimo gihapong suliran sa CDRRMO ang pipila ka mga wala residenteng gapatoo inig adunay mando nga mubakwit, busa nagpahimangno si Baloran sa publiko nga dili na magpaabot pa nga mupahigayon og force evacuation aron dili mabutang ang tanang rescuers usab sa peligro ug walay mga matalang casualties inig adunay pagbaha.

RadyoMaN Aimee Guinita



Facebook Comments