Davao City – Gipaigmat sa City Disaster Risk Reduction and Management Office (CDRRMO) sa dili matagnang linog ang tanang Disaster Action Teams sa mga pribado ug pampublikong opisina sa dakbayan.
Matud ni Alfredo Baloran, CDRRMO chief kinahanglan nga sila ang mugiya ngadto sa mga tawo aron masigurong maka-evacuate ug luwas sila sa mga pagtay-og nga mahitabo.
Gibutyag ni Baloran, sa mga tulunghaan nga dapat dili mag-panic ang magtutudlo para dili usab magkaguliyang ang mga estudyante.
Matud niini epektibo ang gihimong mga drills ug information dissemination tungod sa kaabtik sa response sa mga tawo ug walay natalang casuality atol sa nahitabong linog nakalabayng semana.
RadyoMaN Aimee Guinita
Facebook Comments
