CDRRMO: Walay casualty sa baha

Davao City – Walay gikatahong casualties kun samdan o namatay subay nahitabong pagbaha sa syudad niadtong Hunyo 5, 2023.

Gikumpirma kini ni City Disaster Risk and Reduction Office (CDRRMO) head Alfredo Baloran.

Base sa datos sa CDRRMO nga ang labing naapektuhan mao ang Buhangin ug Poblacion district.

Ang mga apektadong kadalanan sa Buhangin Districts mao ang Laverna hills, C.P. Garcia Road, Barangay Cabantian; main road sa NHA Buhangin, Buhangin Proper; Talisay Street, Buhangin Proper; Watusi Street, Buhangin Proper; New San Isidro, Buhangin Proper; Sandawa, Spring Valley, Buhangin Proper; Underpass, Diversion Road, Buhangin Proper; Carpenter Street, sa Barangay Leon Garcia Sr.; ug Old San Isidro. Buhangin Proper.

Sumala ni Baloran pito ka mga indibidwal o magpamilya sa New San Isidro, Barangay Buhangin Proper ang temporaryong namakwit sa gym human sa taga-hawak nga baha.

Samtang sa Poblacion District ang R. Magsaysay Avenue corner Suazo Street, Barangay 30-D; Pelayo Street corner Bonifacio Street, Barangay 3-A; Torres Street corner Jacinto Street, Barangay 11-B; V. Mapa Street, Barangay 12-B; ug J.P. Laurel Street corner Sta. Ana Avenue, Barangay 30-C.

Gibutyag ni Baloran nga mupahigayon sila’g joint re-assessment uban ang City Engineer’s Office, Ancillary Services Unit ug Office of the City Planning and Development Coordinator aron sayron ang hinungdan sa pagbaha sa syudad.

RadyoMaN Aimee Guinita

Facebook Comments