CDRRMO: Warning System Project dako’g tabang

Davao City – Gikalipay sa mga Dabawenyo ang paglusad sa Davao City Disaster Risk Reduction and Management Office (CDRRMO) sa City-wide Simultaneous Testing sa newly-installed Public Alert and Warning System Project subay usab sa selebrasyon sa National Disaster Resilience Month.

Sa interbyu sa DXDC RMN Davao kang Alfredo Baloran, head sa CDRRMO gibutyag niini nga maayo ang nahimong assessment human na-instalar ang maong kagamitan diin dako kini’g tabang labi na panahon sa kalamidad.

“Very operational and dako kaayo’g tabang sa mga katawhan. In fact, pag testing gani nalipay ‘tong mga tawo sa community kay at least naa silay ilhanan kung halimbawa naay impending hazard or disaster,” butyag ni Baluran.


Pito ka mga bag-ong sirens ang gi-install sa gikonsiderang disaster-prone areas sa syudad nga mao ang Barangay Panacan, Vicente Duterte, Maa, Bucana, Talomo Proper, Sirawan ug Barangay 23-C.

Dugang sa opisyal nga mi-sentro usab ang aktibidad sa ‘disaster preparedness’ sa pag-adopt sa ‘new normal’ gumikan sa Coronavirus Disease 2019 (COVID-19).

RadyoMaN Kirby Manzon

Facebook Comments