Cebu City Government, tiniyak na may sapat na pondo para tulungan ang mga barangay

31

Tiniyak ng Cebu City Government na may sapat silang pondo para tulungan ang mga barangay na nananatiling naka-lockdown bunsod ng mataas na kaso ng COVID-19.


Ayon kay Mayor Edgardo Labella, inaprubahan ng City Council ang ₱500 million supplemental budget.

Nakalaan aniya ito para sa pagbili ng 200,000 sako ng bigas.

Magbibigay rin ang pamahalaang panlungsod ng ₱1 million sa bawat barangay sa susunod na linggo.

Nagpaalala ang alkalde na ang 80% financial aid ay dapat nakalaan sa pagbili ng pagkain habang ang natitirang 20% ay para sa protective gears.

Nabatid na ikinokonsidera ng national government ang Cebu City bilang COVID-19 hotspot.

Sa huling datos ng Cebu City Health Department, aabot na sa 5,596 ang kaso ng COVID-19 sa lungsod, 2,897 ang gumaling, at 180 ang namatay.




Facebook Comments