Cebu City Police Office nanalipod sa Parian Police nga nakapatay og anak sa huwes

58

Nanalipod ang Cebu City Police Office (CCPO) sa Parian Police Station , nga maoy nakapatay sa anak sa kanhi huwes atol sa anti drug operation niini sa Sitio Sampaguita, Barangay Tejero sa dakbayan sa Sugbu.Matud ni Supt. Artemio Ricabo, usa ka lehitimo nga operasyon ang gihimo sa Parian Police Station diin napusilan ug napatay ang 36 anyos nga si Gerwin Vasquez Wilhoit niadtong Hulyo 20 , Biyernes sa gabii.
Ang operasyon adunay koordinasyon sa Philippine Drug Enforcement Agency kon PDEA-7.
Gitahasan na usab sa CCPO ang Investigation and Detective Management Branch nga masusi ang pahayag sa amahan ni Wilhoit nga si kanhi Judge Gerardo Gestopa nga dili usa ka pusher ang iyang anak sanglit usa lang kini ka user.

Facebook Comments