Cebu First District Congressman Samsam Gullas, modagan pagka-mayor sa Talisay City sa sugbo sa 2019

Nibukal na sab ang kawa sa pulitika sa dakbayan sa Talisay human miangkon
na si Talisay City Mayor Eduardo Gullas nga nagplano siyang mobalik na sa
kongreso samtang ang iyang apo nga si kongresista Samsam Gullas maoy
modagan sa pagka-mayor sa maong dakbayan sa sunod tuig nga eleksyon .

Apan nipasalig ang mayor nga human sa usa ka termino ni Samsam sa
pagka-mayor, mobalik ra usab kini sa pagka-kongresista ug sa maong panahon
si Talisay City Vice Mayor Alan Bucao na ang modagan unya sa pagka-mayor
sa Talisay .

Nidugang ang mayor nga wa’ pa sab niya makumbinser si Bucao nga mamahimong
running mate ni Samsam aron lang ipabiling intact ang alayon party nga
ilang gingsakopan .


Apan si bucao sa iyang bahin wa’ mohatag og komentaryo labot niini tungod
kay alang niya layo pa ang eleksyon ug dili siya gusto nga moluwat og
pamahayag .

Samtang nipasabot sab si Mayor Gullas nga mag-89-anyos na siya karong tuiga
ug gusto siyang mobalik sa kongreso alang sa usa ka termino sa di’ pa siya
mobiya sa public service .

<www.avg.com/email-signature?utm_medium=email&utm_source=link&utm_campaign=sig-email&utm_content=webmail>

Facebook Comments