Cellphone gidili sa LGU Carmen oras ting-opisina

24

Gidili na ang paggamit sa celpon sulod sa mga buhatan sa oras sa tingtrabaho sa mga empleyado sa munisipyo sa Carmen, ubos sa gipakanaog nga Municipal Ordinance No. 03-2019 nga gipangamahanan ni Bise Mayor Ramon Calo sa Sangguniang Bayan sa nasangpit nga lungsod.
Kini human gideklara nga balido ang Municipal Ordinance No. 03-2019 sa Sangguniang Panlalawigan, pinaagi sa Sanggunian Resolution No.117-2019 sa pagpangamahan ni provincial board member Erwin Dano.
Sa patuon nga gihimo sa Committee on Information and Communication, nakita sa komite nga ang lakang sa Sangguniang Bayan nagtumong aron mapatuman ang usa ka episyente ug epektibo nga pamaagi alang sa maayong pagserbisyo sa katawhan sa Carmen.
Ang ordinansa sa munisipyo nahisubay sa CSC Resolution No. 1701077-2017 Rule in Administrative Cases in the Civil Service.
Ubos sa giingon nga resolution sa CSC, ang opisyal sa goberno ug mga empleyado nga makit-an nga nakalapas sa conduct prejudicial to the best interest of the service adunay ipataw nga penalty, sa unang higayon nga suspindihon sa unom ka bulan ug hangtod sa usa ka tuig ug ang ikaduha nga kalapasan nagpasabot nga pagtangtang sa Serbisyo (with report sasie babar/ivy falcone).
photo credit to google [image: celpon.jpg]

Facebook Comments

From Advertisers