Ceneco nagsabat sa isyu sang pagpanukot sang taripa nga gina-pasuspender sang ERC

11

Nagpaathag ang Central Negros Electric Cooperative Inc. (CENECO) kasunod sang pagtawag ni Sen. Sherwin Gatchalian sang ila atensyon upod sa pila pa ka distribution utilities (DU) sa isyu sang suspension sang Feed-in-Tariff Allowance (FIT-ALL) santo sa advisories sang Energy Regulatory Commission (ERC).

Sa ginpatawag nga Senate hearing sang Committee on Energy sa diin chairman si Gatchalian, gintawag sini ang atensyon sang anom ka mga DUs nga ginalakipan sang Olongapo Electricity Distribution Company (OECD); Misamis Oriental II Electric Cooperative, Inc. (MORESCO II); Camarines Sur II Electric Cooperative, Inc. (CASURECO II); Central Negros Electric Cooperative, Inc. (CENECO); Iloilo III Electric Cooperative, Inc. (IIoilo III); kag Batangas II Electric Cooperative, Inc. (BATELEC II).


Sa interview sang DYHB kay Engr. Jose Tañongon, OIC General Manager sang CENECO, ginkumpirar sini nga natalana sila padal-an sang show cause order sang ERC kag sila ang dapat nga magpaathag. Nahibaluan nga may yara sang advisory ang ERC nga dapat suspendiron ang pagpatuman sang FIT-ALL ukon ang taripa nga ginabayaran sang mga kunsumidor para pondohan ang development sang renewable energy, sa bulan sang Marso kag Abril.

Apang suno kay Tañongon, nag-implementar sila sang FIT-ALL sang Marso bangud ulihi man sila nakabaton sang advisory sang ERC. Marso 16-30 ang billing period sang CENECO kag Marso 20 na nag-abot ang advisory. Bangud sang advisory, gin-suspend sang CENECO ang pagpatuman sang FIT-ALL sa bulan sang Abril kag Mayo gani kun lantawon suno sa General Manager, napatasan lang ang ila ginsukot sang Marso.

P.049 kada kilowatt hour ang ginasukot nga FIT-ALL sang mga electric cooperatives sa ila kunsumidor kag katumbas ini sang P4.95 sa 100 kilowatt per hour nga kunsumo sa isa ka bulan.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments