CENRO Bago City nagpaandam sa mga mahilig magpanggabot sang badiang

39

Nagpaandam ang Community Environment and Natural Resouces Office (CENRO) Bago City sa mga mahilig magpang-gabot sang mga tanom ilabi na ang Badiang sa tunga sang ginakabig “plantdemic” kag pagdamo sang mga “plantitos” kag “plantitas”.

Sa interview sang DYHB kay Engr. Joan Nathaniel Gerangaya, head sang CENRO Bago City, ginpahayag sini nga posible mapriso sang tubtob anom ka bulan kag may upod pa nga multa ang sin-o man madakpan nga nagapangkuha sang anuman nga sahi sang tanom sa mga forest land sa idalom sang Revised Forestry Code of the Philippines. Suno kay Gerangaya, dapat may permit gikan sa DENR ang pagkuha sang tanom nga gikan sa mga forest lands ukon sa mga protected areas.


Apang gin-athag naman ni Gerangaya nga wala gina-bawal ang pagkuha sang Badiang sa mga agricultural land kag sa mga palibot sang balay.Ang Badiang ukon ang giant Taro, ang gindeklarar na sang International Union for Conservation of Nature nga critically endangered, bangud endangered na ini sa iban nga pungsod, apang sa Pilipinas suno kay Gerangaya, indi pa gid man ini makabig nga critically protected species.

Nahibauan nga sa tunga karun sang pandemic, madamo na ang nahilig sa pagpananom, kag sang damlag pa, nag-uso ang baligyaanay sang mga tanom lakip na diri ang Badiang.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments