Cenro dunay pahimangno sa mga negosyante sulod sa sementeryo

217

Pagadian City – Sama sa na-andan gihimong panginabuhian sa mga residente nga nanimuyo duol sa mga sementeryo ang pagpamaligya sa Tubig, Kandila, bulak ug gani lakip na ang pagpaaso.
Namatikdan nga nahimo nga pangwarta labina sa mga kabataan ang pagpaaso o palina ngadto sa mga tawo nga mogawas gikan nga nibisita sa lubong sa ilang mga mahal sa kinabuhi sa mga sementeryo ning kasaulogan KALAG-Kalag.
Naandan na sa mga Katoliko ang pagpalina dayon gawas sa sementeryo diin dunay mga bata nga magpabayad og P2 hangtud P5 sa mga tawo nga molakang sa ilang paaso.
Kini dunay pagtuo ang mga Pinoy nga kining aso makaabog sa demalas ug mga sakit-sakit gikan sa maong dapit.
Apan dunay pahimangno ang City Environment and Natural Resources Office (CEnro) nga gidili ang pagamit sa mga cellophane ug mga plastic bottle sa mga magpa-aso aron dili apektahan ang panglawas ug kina-iyahan.
Sa interview sa RMN-Pagadian kang Analyn Babayson, gipahibalo sa CENRO dunay mga labayanan og basura ang ilang gibutang sa pipila ka kanto sa sementeryo aron dili magkatag ang basura human sa duha ka adlaw nga paghandom.
Giklaro usab sa Cenro nga buot nila nga mabalik kung unsa gyud ang importansiya paghandom sa maong mga adlaw ug kanunay nga limpyo ang palibot ug sulod sa sementeryo.
Giawhag usab sa Cenro nga hipuson sa mga negosyante ang biya nga basura gikans pwesto nga ilang gi-okupa.

Facebook Comments