Chinese drug Lianhua Qingwen, hindi rehistrado bilang COVID-19 drug – DOH at FDA

89

Nilinaw ng Department of Health (DOH) at ng Food and Drug Administration (FDA) na ang traditional Chinese drug na Lianhua Qingwen ay hindi rehistrado bilang gamot laban sa COVID-19 sa bansa.

Sa statement, inaprubahan lamang ng FDA ang Lianhua Qingwen bilang isang prescription medicine pero hindi COVID-19 medication.


Nitong August 7, 2020 lamang nakakuha ang Lianhua Qingwen ng FDA registration.

Anumang pagkain o gamot na hindi nakarehistro sa Pilipinas ay hindi pwedeng ibenta dahil kukumpiskahin ang mga ito.

Ginagamit lamang ang nasabing traditional herbal product para tanggalin ang heat-toxin invasion sa baga kabilang ang mga sintomas tulad ng lagnat, sipon, at pamamaga ng kalamnan.

Facebook Comments