Chinese nationals, uman nga nagpanguna sa mga turista nga nagbisita sa isla it Boracay

14

Malay, Aklan — Uman nga nagpanguna rong mga Chinese nationals sa mga turista nga nagbisita sa isla it Boracay ko nagtaliwan nga buean it Setyembre.

Sa datus it Malay Municipal Tourism Office (MTO), nag abot sa 30, 259 rong total nga numero it mga Chinese nga nagbisita sa Boracay.

Nagapangaywa mat-a rong mga Korean nationals nga may 25, 162 ag naga pangatlo rong Taiwanese nga may 2,538.

Kaibahan man sa Top 10 rong nasyong Saudi Arabia, Malaysia, Hong Kong, USA, Australia, Japan ag Singapore.

Sa pihak nga parte nag-abot eon sa 1,529, 895 rong kabilugan nga numero it mga turista nga nagbisita sa isla umpisa Enero hasta makaron kung sa siin ro mga Foreign nationals hay may total nga 70, 410; Local tourists nga may 53,090 ag OFWs nga may 1, 372.

Ginasaligan nga madugangan pa rong nasambit nga numero ngara bangud nga sa unang dominggo it Oktubre hay maabo rong mga Chinese nga nag-abot sa isla bangud sa pagselebra it Moon Cake Day ag Chinese Mid-Autumn Festival.

Nagasalig man rong Mtour nga maabot nanda rong target bago matapos rong dag-on 2017.

Facebook Comments