Davao City – Sugod karong adlawa (Mayo 31, 2021), mamahimo nang mabakunahan batok Coronavirus Disease 2019 (COVID-19), ang mga indibidwal nga adunay comorbidities o gihambin nga balatian.
Matud ni Davao City Health Office (CHO) acting head Dr. Ashley Lopez (sa interbyu sa city-owned radio), mamahimo na nga magparehistro alang sa vaccination ang mga 60-anyos paubos nga adunay chronic respiratory disease, cardiovascular disease, diabetes, chronic kidney disease ug uban pang balatian o makonsiderang A3 sa priority group sa gobyerno.
“I’d like to share the good news to everyone that by Monday, we are going to open up the group A3. Katong below 60 with comorbidity, diabetes, chronic kidney diseases, dialysis patients ug uban pang sakit,” matud ni Lopez.
Apan gitataw sa health official, ang kwalipikadong indibidwal kinahanglang magpakita og proof of comorbidity pinaagi sa medical certificate o clearance gikan sa attending physician, prescription sa medisina, hospital record, surgical record ug uban pa.
RadyoMaN Kirby Manzon
