Sumala pa ni Dr. Yleona Ysabel Camelotes, ABTC’s District Health Physician, tumong sa paglusad og lecture sa dabawenyos, aron mahatagan og mas komprehensibo ug mas dali masabtan ug mas mapalawman ang kahibalo sa matag usa mahitungod sa rabies, ilabina nga karong Marso gi-obserba ang Rabies Awareness Month.
Subay sa talaan hinay-hinay nga nagakunhod ang ihap sa natalang kaso matag-tuig, gikan 2019 anaay 11, sa 2020 adunay 6, sa 2021 adunay 5, sa 2022. Nakatala ug pinakataas nga anaa sa 13, apan miubos sa 2023, diin anaa nalang sa 4 ug sa 2024 anaa nalang sa 3.
Nagpahinumdum usab si Camelotes, ang rabies makapatay apan 100% nga mapugngan pinaagi sa anti-rabies vaccination. Kung ugaling mapaakan giawhag usab nga dili mag-panic, hinuon hugasan og antiseptic nga sabon ang pinaakan o kinambrasan ug butangan sa betadine o alcohol ang maong samad.
via RadyoMaN Kareen Beltran
