CHO, giklaro nga walay posibitong kaso sa COVID-19 sa Malaybalay

36

Giklaro sa City Health Office CHO-Malaybalay nga walay kaso o nagpositibo sa Coronavirus diseases o COVID 19 sa siyudad.

Sa interview sa RMN Malaybalay ngadto kang City Health Officer Dr. Dennis Sanggalang gibutyag niini nga dili tinood ang nikatag nga taho nga adunay nagpositibo sa COVID 19 sa Malaybalay.


Matud ni Dr. Sanggalang nga taga Cebu City ang mao nga pasyente nga naka-anhi lamang sa dakbayan niadtong Marso 11 hangtod 14 ning tuiga.

Nasayran nga nag-vigil kini ug nitambong sa lubong sa iyang uyuan sa mao nga petsa ug nibalik sa Cebu niadtong Marso 14, ug nahospital sa Marso 17. Namatay kini niadtong Marso 23 ug nigawas nga positibo kini sa COVID 19 niadtong Marso 27 ning tuiga.

Sigun ni Dr. Sanggalang nga sa wala pa man nigawas ang resulta sa COVID test naghimo na sila ug contact tracing.

Adunay 55 ang ilang na-trace nga adunay direct ug indirect contract sa mao nga lalaki.

Sa mao nga ihap 53 ang walay simtomas nga nagdue na o nahuman na ang 14 day quarantine.


Gawas lang sa 2 nga gikonsidera nga Person Under Investigation kon PUI’s nga karon anaa na sa usa ka pasilidad sa Barangay Patpat ug mild symtoms lamang ang nasinatian niini.

Karong adlawa nakatakdang ipailawom sa COVID test ang duha ka mga PUI.

Facebook Comments