CHO: Leptospirosis cases gi-monitor

34

Davao City – Nakipag-alayon karon ang City Health Office (CHO) sa mga balay tambalanan sa dakbayan sa Davao sa pagmonitor sa mga pasyente nga posibleng biktima sa sakit nga Leptospirosis.

Sa pakighinabi sa DXDC RMN Davao kang Gerard Mupal, Disease Surveillance Officer sa CHO-Davao, gibutyag niini nga sa ka pagkakaron wala pay gika-report ang mga ospital sa syudad nga adunay pasyente nga nagbaton sa nahisgutang balatian karong panahona.


Gikumpirma ni Mupal nga karon nga tuig, adunay usa ka kaso sa syudad nga miresulta pa sa pagkamatay sa usa ka pulis sa Calinan ning dakbayan.

Padayon usab nga nagpahinumdom ang opisyal sa mga pamaagi sa paglikay sa maong balatian sama sa paglikay sa pagtunob sa hugaw nga tubig labi na kung adunay samad ingon man regular nga pagpanglimpyo sa palibot.

“Ang prevention gyud ani, pagpanglimpyo gyud sa matag balay. Kung pwede lang nga way ilaga nga magpuyo sa balay. Kung naa man gani kay samad imuhang tiil ug sa kamot, mas better nga dili nalang ka magpataka og tamak sa tubig labi na after sa ulan o tubig sa ulan,” saysay ni.

Kahinumduman nga tuig 2017, ubay-ubay ang nagbaton og Leptospirosis diin niabot usab sa pito ang patay dinhi syudad human sa dakong baha sa Davao river sa maong panahon.

RadyoMaN Kirby Manzon

Facebook Comments

From Advertisers