Indi bongga ang mangin Christmas decorations sa banwa sang Surallah subong nga tuig nga selebrasyon sang paskwa agud nga indi makaattract sang madamo nga tawo.Ini ang kumpirmasyon ni Surallah Mayor Antonio Bendita.
Suno sa alkalde ini tungod yara pa sa gihapon ang paandam sang COVID-19 kag indi niya luyag nga magpadulong sa disaster ang mangin resulta sang Kasadya Christmas Festival.
Ginhatagan pa punto ni Mayor Bendita nga tubtob wala pa sang bakuna kontra COVID-19 dapat gid nga ipadayon ang pagsunod sa mga health protocols.
Nahibaluan nga ang Kasadya Christmas Festival sang Surallah ang ginadagsa sang katawhan kada tuig tungod sa manami nga mga Christmas decorations.
Facebook Comments
