Christmas gift para sa mga tigulang kag disabled pensioners sang GSIS, natalana nga i-release sa December 1

Ginapahibalo sang Government Service Insurance System ukon GSIS nga magasugod na sila sang pagrelease sang Christmas cash gift sa mga tigulang kag disabled pensioners sa Byernes Disyembre 1.

May P2.7 billion nga pondo nga ginpain ang GSIS agud makahatag sang kalipay sa mga may disabilities, kag mga lolo kag lola nga katapo sang state pension fund.

Sa report sang GSIS ang mga pensioners nga nagbaton sang masobra sa P10,000 nga Christmas bonus sang 2016 makabaton sang katumbas nga bulanan nga pension subong nga 2017 nga tubtob sa P12,000 samtang ang mga nagbaton sang P10,000 panubo magabaton naman sang pension nga indi magsobra sa P10,000.


Ginpahayag sang GSIS nga ang mga bag-o nga retirees sugod 2013-2017 nga nag-avail sang gilayun nga pension sa idalum sang RA 8291 makabaton sang cash gift lima ka tuig matapos ang ila retirement date.

Ang mga naghalin ukon ginpahalin sa trabaho sugod sadtong 2016-2017 antes magdangat sa edad nga 60 kag nagsugod baton sang regular nga bulanan nga pension sa tunga-tunga sang 2013-2017 entitled lamang sang cash gift makaligad ang lima ka tuig gikan sa pagsugod sang ila regular pension.

(photo from web)

Facebook Comments