Christmas parties pahanugutan sang Salvador Benedicto sa mga resorts nga accredited sang DOT

Bukas ang banwa sang Salvador Benedicto para sa mga Christmas parties nga hiwaton sa pila ka mga resorts kag accommodations sa banwa apang may limitasyon.

Sa interview sang DYHB kay Mayor Marxlen Dela Cruz, ginpahayag sini nga pwede magbook sang overnight Christmas parties sa mga resorts sa banwa basta sa mga accredited lamang sang Department of Tourism (DOT) . Sa karun 3-5 pa lang ka resorts sa Salvador Benedicto ang accredited sang DOT.

Nagapahanumdom naman si Mayor Marxlen nga dapat i-observe sa gihapon ang mga health protocols nga gintalana sang Department of Health lakip na ang indi pag-lapaw sang guests sa numero sang carrying capacity nga ginapahunugutan sa idalom sang Modified General Community Quarantine (MGCQ).


Magluwas diri, luyag man sang alkalde nga indi na makihalubilo ang mga pangayaw nga guests sa mga locals. Nahibaluan nga istrikto ang pag-implementar sang banwa sang mga health protocols sa diin may gina-deploy sila nga mga health enforcers nga nagalagaw sa mga kapehan kag iban pa nga tourist spots kada adlaw sang Sabado kag Domingo.

[image: image.png]

Facebook Comments